Plantun de Prouvènço

Pèr coumpara dos planto d'encò nostre

Ononis striata & Rosa dumalis

Ononis striata

Fabaceae Leguminosae

Nom en français : Bugrane striée.

Descripcioun :
L'esbroutouiro-regado es uno pichoto planto lignouso que trachis dins li tepiero roucaiouso de mountagno. Li fueio an tres fuioun di proun glandoulous. Li dènt dóu fueioun dóu mitan soun mai longo sus li bord (acò ajudo souvènt à lou destria de O. pusilla). Fai de flour jauno un pau regado de rouge, que sèmblon grosso en raport emé la planto. Li dóusso soun longo de 5 à 7 mm amé 2 à 3 grano lisso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 5 à 20 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Ononis
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 1,0 à 1,3 cm
Flourido : Printèms - Estiéu

Sòu : Ca
Autour basso e auto : 500 à 1800 m
Aparado : Noun
Jun à avoust

Liò : Tepiero roucaiouso
Estànci : Subremediterran à Subaupen
Couroulougi : Mediterrano-Moutagnenco-Nord-Ouèst
Ref. sc. : Ononis striata Gouan, 1773

Agufié(-roso)

Rosa dumalis

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier commun.

Descripcioun :
Aquel agufié, Rosa dumalis, trachis dins li relarg mountagnous e roucaious. Douno d'èr à Rosa canina, mai èi bèn mens coumun. Èi mai rabasset, emé de fueio souvènt verdalo e de flour pus acoulourido, roso vivo. La diferènci founso èi de vèire dóu coustat de l'ourifice calicinau qu'èi mai grand (>1/4 de la larjour, vèire la fotò). Aquel agufié-roso, presenta aqui èi Rosa dumalis s.s. (sènso glando sus lou pecou, dènt di fueioun coumpausado e sènso péu souto li fueio).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.